TALDEA

“Rude Station” albuma 2014.urtearen amaieran kaleratu zuen eta skalari musikaren 20 urteurrenarekin bat eginez, abeslari nafarrak bere sustraietara itzuli zen, bere anaia Peiorekin batera lan eginda. Disko honetan skalari soinua itzuli zen. Bi anaiak Kaki Arkarazoren gidaritzapean elkartu ziren estudioan.

Album horretarako, Juantxok La Rude Band taldea izan zuen bidelagun; zuzenekoetan lagundu zioten eta “Rude Station Tour 2015” biran sintonia handia lortu zuten.

Europan beste bira bat egin zuen lan berriarekin (Alemania, Suiza, Italia, Txekiar Errepublika…) eta hainbat aurkezpen kontzertuetan sarrerak agortzea lortu zuen (Madril, Bartzelona, Valentzia, Berlin, Praga, Kolonia…). Bestalde, Mexikon (Mexiko D.F-n eta Guadalajaran) album berria aurkezteko 2.000 lagun baino gehiago elkartu zituen, tokiko tiketak agortu arte.

2016.urtean, dagoeneko egonkortuta zegoen “Juantxo Skalari & La Rude Band” taldeak bira berri bati ekin zion, “London Studio Session” lana aurkezteko. Londreseko Toe Rag estudioetan grabatutako binilozko single bat kaleratu zuen (% 100 vintage). Liam Watsonek, Grammy baten irabazleak eta Madness zein White Stripesen lanak egin dituen ekoizleak, gidatu zuen ekoizpena.

“Special Roots Tour” biran JSK-k hiru kontinentetan izan zen, esate baterako, gogoangarria izan zen Txileko kontzertuan eta Japoniakoan, urteari amaiera borobila emanda.

2017an “Rudi Not Dead” abestiaren kaleraketa mugarri bat izan zen, 2018rako espero zen “Rudi Records” album berriaren aurrerapena. “Rudi Not Dead Tour” birak ska, rocksteady eta reggae generoen mugimenduak 50 urte baino gehiagoz egindakoa aldarrikatu zuen. Urte berean, Juantxo Skalari & La Rude Bandek beste bira bat egin zuten Mexikon eta lurrikara batek eten egin zuen. Gainera, kontzertu gogoangarriak bizi izan zituen, hala nola, Bartzelonako Apolo aretoan eskainitakoa. Aldi berean, disko berria prestatzen hasi ziren, azarotik aurrera grabatzen hasteko.

2018an “Rudi Records” disko berria argitaratu zuten. Londresen, Bartzelonan, Gironan eta Arbizun (Nafarroan) grabatu eta nahastu zuten lana. Otsailean, Europa eta Latinoamerikako bira hasi zuten (Mexiko, Txile, Kolonbia, Frantzia, Italia…).

2019an, 25 urteko historia egin zuen Skalarik, eta LP bikoitza argitaratu zuen (“Skalari 25 Anniversary”) eta bere bigarren liburua ere aurkeztu zuen “JSK. Memorias de kalle y tren” (2019, Txalaparta). 25. Urteurreneko biran, Europako eta Latinoamerikako hainbat herrialde bisitatu zituen (Txile, Kolonbia, Mexiko, Alemania, Txekiar Errepublika, Frantzia, Italia…).

2020. urtearen amaieran, pandemia-egoera betean, “Roots Market” izeneko albuma argitaratu zuen, “XXI.mendeko” skalari soinu bereziagoa zeukan eta sustrai-zaporea duen etorkizuneko kooperatiba-merkatu baten kontzeptua irudikatu zuen. Formatu akustikoko kontzertu batzuk eman zituen “Jsk Unplugged” ideiaren barnean eta “Roots Market Tour” album berria aurkezteko bira bat ere abiatu zuen. 2021ean eta 2022an “Juantxo Skalari & La Rude Band” proiektua estatuko eta latinoamerikako hainbat hiritan (Mexiko, Txile, Argentina eta Kolonbia) izan zen.

2023an, beste lan bat aurkeztu du, eta horrekin batera beste bira bat hasi: “Super Roots Market”. Oraingoan, binilo berriak “Roots Market” delakoaren edukia zabaldu du. Argitaratu gabeko 6 abesti gehitu ditu -bi konposizio berriekin- eta bi dub bernahasketekin borobildu dute lan berria. Roberto Sanchez eta Chalart 58ko produkzioak ekoiztu dute eta bildumazaleentzat bi bitxikeri gehitu ditu.

Egun, Juantxo Skalarik mila kontzertu baino gehiago egin ditu 29 urtetan, eta 10 estudio-disko argitaratu ditu. Bikoitz bat zuzenean, bi dokumental DVDan, bi cd-liburu, musika ibilbide guztia biltzen duen bi binilo eta azken lana; “Super Roots Market” biniloa.